თორნიკე შენგელიამ „ვირტუს ბოლონიასთან“ კონტრაქტი ახლახანს გააფორმა და უკვე გაჩნდა ხმები, რომ საქართველოს ნაკრების კაპიტანი მომავალი სეზონიდან „ბარსელონაში“ ითამაშებს.
შენგელიასა და იტალიურ კლუბს შორის კონტრაქტი 2022 წლის 30 ივნისამდე, რის შემდეგ 30 წლის კალათბურთელი ესპანეთში დაბრუნდება.
„ბარსელონასთან“ კონტრაქტი კი, ხანგრძლივი იქნება. შენგელია ბოლონიელებს მოსკოვის ცსკა-დან შეუერთდა, სადაც 2020 წლის ზაფხულიდან თამაშობდა.
მანამდე კი, „ბასკონიაში“ ირიცხებოდა და ბოლო ესპანურ სეზონში ქვეყნის ჩემპიონიც გახდა. საქართველოს ნაკრების კაპიტანს „ვალენსიაში“, ბელგიურ „შარლერუასა“ და „პეპინსტერში“, ასევე NBA-ში – „ბრუკლინ ნეტსსა“ და „ჩიკაგო ბულსში“ უთამაშია.
