დაახლოებით ერთი თვის წინ იურგენ კლოპმა თქვა, რომ „ლივერპული“ პეპის „მანჩესტერ სიტისთვის“ უკანალში ტკივილივითაა, არ გვასვენებსო…პეპ გვარდიოლამ კი დღეს განაცხადა, რომ მის სამწვრთნელო კარიერაში ყველაზე რთული მეტოქე „ლივერპულია“.
მოკლედ, კომპლიმენტები იცვლება.
ინგლისის ჩემპიონატში 3 ქულაა სხვაობა. „სიტი“ წინაა და ვნახოთ, როგორი ფინიში გვექნება.
გვარდიოლამ სხვაც დაამატა: „ვფიქრობ, შეგვიძლია ვთქვათ, რომ ჩვენ „ლივერპულის“ უკანალში ტკივილს ვგავართ. კარგად თქვა კლოპმა. ბევრჯერ მითქვამს, რომ მწვრთნელის სიდიდე მენტალიტეტში და წლიდან წლამდე გამარჯვებების წყურვილში გამოიხატება. სამი ტიტული მოვიგეთ, მაგრამ მაინც თავდახრილები ვმუშაობთ.
… „ლივერპულთან“ დაპირისპირება საოცარია. ისინი ძალიან კარგები არიან. 13 წელია, რაც მწვრთნელი ვარ და ასეთი ძლიერი მეტოქე არ მყოლია“.
ისე, სხვა პრინციპული მეტოქე ვინ ჰყავდა გვარდიოლას გუნდებს? „რეალი“…
„ბაიერნში“ მუშაობისას გერმანიის ჩემპიონი ხდებოდა და „დორტმუნდი“ ბოლომდე წინააღმდეგობას ვერ უწევდა.
და „სიტიში“? მთავარი მოცილე სულ „ლივერპულია“, რომელმაც შარშანწინ წაართვა ჩემპიონობა და ვინ იცის, იქნებ წლეულსაც…
