ლისაბონის „სპორტინგის“ მწვრთნელმა რუბენ ამორიმმა ჩემპიონთა ლიგაში „მანჩესტერ სიტისთან“ 0:5 წაგების მერე საინტერესო რამ თქვა:
„მინდა, რომ ჩემს ფეხბურთელებს ჩავეხუტო. მათ ყველაფერი გააკეთეს, მთელი ძალები შეალიეს თამაშს. არ დაგვავიწყდეს, ვის წინააღმდეგ ვთამაშობდით. დრო გვჭირდება, რათა უფრო ძლიერად ვითამაშოთ. ჯერ პორტუგალიის ჩემპიონობით, მერე კი ჩემპიონთა ლიგაში ასეთი კარგი თამაშით დიდი ნაბიჯი გადავდგით, შარშანდელთან შედარებით ეს დიდი პროგრესია.
…რა თქმა უნდა, ამ გათამაშებაში ყველაფერი დასრულდა, მიუხედავად იმისა, რომ საპასუხო მატჩი გველის“.
ისე, „სპორტინგისთვის“ ჩემპიონთა ლიგის ჯგუფიდან გასვლაც დიდი მიღწევაა. „დორტმუნდი“ ჩატოვეს, რაც ცოტას არ ნიშნავს.
