ეს ჰოკეი არაა, ფეხბურთია… ყველა კონტინენტის ზონა რომ ავიღოთ, მსოფლიო ჩემპიონატის შესარჩევის მთავარი სიურპრიზი კანადის ნაკრებია.
სხვაგან მაინცდამაინც სენსაცია არ ხდება, აი, კანადა კი კონკაკაფის ზონაში პირველ ადგილზეა და დიდი ალბათობით, მსოფლიოზე გავა. სამი გუნდი გადის და მეოთხე ფლეი-ოფს თამაშობს – ასე რომ…
კანადამ 2:0 მოუგო აშშ-ს. ლარენმა და აკუდაგბემ გაიტანეს მატჩის დასაწყისსა და ბოლოში.
1980 წლის მერე პირველად მოხდა, რომ კანადელებმა ფეხბურთში ამერიკელებს აჯობეს (შესარჩევში). კანადას არ ჰყავდა „ბაიერნის“ მძლავრი ფლანგელი ალფონსო დევისი, რომელსაც გულთან დაკავშირებული პრობლემები აქვს.
ნაკრებში გამორჩეულია „ლილის“ ლიდერი ჯონათან დევიდი. კანადას ინგლისელი ჯონ ჰერდმანი წვრთნის…
4 ტური დარჩა და ჩრდილოელები 5 ქულით უსწრებენ მეოთხეადგილოსან პანამას.
