Australia Open-ის პირველივე წრეში ერთმანეთს ნიკოლოზ ბასილაშვილი და ენდი მარი შეხვდნენ. ბრიტანელმა ჩოგბურთელმა ხუთ სეტში მოიგო – 6:1, 3:6, 6:4, 6:7, 6:4. ბასილაშვილმა მაგრად კი ითამაშა, მაგრამ კონკრეტულ მომენტებში შეცდომებს უშვებდა, რასაც მარის დონის ჩოგბურთელები არავის პატიობენ.
მარიმ პირველი სეტი მარტივად მოიგო, შემდეგ კი, ბრძოლა შედგა. ჩამორჩენილმა ბასილაშვილმა სეტებში ორჯერ გაათანაბრა – 2:2.
გადამწყვეტი მეხუთე სეტი გამოდგა, რომელიც ჩვენებურმა ცუდად დაიწყო და 1:4 ჩამორჩა. თუმცა, ერთხელაც გაიბრძოლა და ანგარიში გაათანაბრა – 4:4.
გადამწყვეტ მომენტში ქართველმა ჩოგბურთელმა მეტოქეს ზედიზედ ორი გეიმი დაუთმო და მატჩიც დათმო…
