ზლატან იბრაჰიმოვიჩი „ოქროს ბურთის“ ნომინაციაში სამეულშიც კი არასოდეს ყოფილა. 40 წლის იბრამ თქვა, რომ ეს სულაც არ უშლის ხელს, რათა საუკეთესო ფეხბურთელად იგრძნოს თავი…
„პრიზი კარგი რამ არის, მაგრამ არ მჭირდება იმის დასამტკიცებლად, რომ საუკეთესო ვარ. საჭიროა მენტალობა. იცით, ყოველდღიურად ისე ვვარჯიშობ, როგორც ვთამაშობ. ჩემთვის ყოველი დღე ფინალია.
… „მილანში“ დაბრუნებისას გამიჭირდა, მაგრამ ფეთქებადი გუნდი დადგა. ბრწყინვალე ატმოსფერო შეიქმნა და ახლა ერთი მიზანი გვამოძრავებს – სკუდეტო.
… ყოველ დილას ტკივილით ვდგები, მაგრამ ეს ფიზიკური ტკივილია და მეტი არაფერი. სამაგიეროდ, მაქვს ადრენალინი, რათა გავაგრძელო ჩემი გზა. ეს გზა კი ჩემპიონობისკენაა“.
ზლატანმა ეს სიტყვები თავისი ახალი წიგნის პრეზენტაციისას თქვა.
