ხატოვანი გამონათქვამი არ გეგონოთ. საუბარია რეალური არწივების რეალურ მწვრთნელზე.
მოგეხსენებათ არწივი რომის „ლაციოს“ სიმბოლოა და „სტადიო ოლიმპიკოზე“ ყოველი მატჩის წინ სტადიონს შემოუფრენს ხოლმე.
მატჩის დაწყებამდე „ლაციოს“ ფანებმა იტალიელი ფაშისტების ბელადის – ბენიტო მუსოლინის მეტსახელის სკანდირება დაიწყეს – „დუჩე, დუჩე“!
პასუხად არწივების მწვრთნელმა ხუან ბერნაბემ მათ რომაული სალუტით, ანუ ფაშისტური სალმით უპასუხა.
ვიდეო სოცქსელებში გავრცელდა. ფირმა, რომელშიც ბერნაბე მუშაობს, უშუალოდ „ლაციოს“ სტრუქტურაში არ შედის, მაგრამ ის უკვე ჩამოაშორეს საქმიანობას და დიდი შანსია, კონტრაქტი საერთოდ გაუწყვიტონ.
