Us open-ის 18 წლის ტრიუმფატორი ემა რადუკანუ მწვრთნელს იცვლის. ბრიტანელი ჩოგბურთელი ენდრიუ რიჩარდსონის მადლობელია, მაგრამ მასთან თანამშრომლობა მაინც შეწყვიტა.
მიზანი შორს მიმავალია – რადუკანუს ისეთი მწვრთნელის აყვანა სურს, რომელსაც მაღალ დონეზე მუშაობის გამოცდილება ექნება.
შეგახსენებთ, რომ რადუკანუმ ამერიკის ღია პირველობის ფინალში 19 წლის კანადელი ლეილა ფერნანდესი 6:4; 6:3 დაამარცხა. ემა ამერიკის ტურნირამდე 153-ე ჩოგანი იყო და უცებ 22-ე ადგილზე აღმოჩნდა.
მოიმატეს რადიკანუს გულშემატკივრებმა სოციალურ ქსელშიც. ახლა ემას 2 მილიონამდე გამომწერი ჰყავს (17.000 ჰყავდა) და მოქმედ ჩოგბურთელთა შორის მეხუთე ადგილზეა. რადუკანუზე წინ სერენა უილიამსი (13.6 მილიონი), სანია მირზა (7.9), ნაომი ოსაკა (2.9) და ეჟენი ბუშარი (2) დგანან.
