შოტლანდიელმა მცველმა ენდრიუ რობერტსონმა „ლივერპულთან“ კონტრაქტი, რომელსაც მომავალ წელს გასდიოდა ვადა, 2026 წლამდე გაახანგრძლივა.
ამის შესახებ კლუბის ოფიციალური საიტი იუწყება.
რობერტსონი „ენფილდზე“ 2017 წლიდან თამაშობს და ძირითადი შემადგენლობის წევრია. შარშან მან ჯამში 38 შეხვედრაში 2 გოლი გაიტანა და 7 საგოლე გადაცემა შეასრულა.
იურგენ კლოპი ძალიან განიცდიდა რობერტსონის ტრავმას, რომელიც მან სეზონის სტარტზე მიიღო.
საბედნიეროდ, ენდრიუმ ტრავმა მოიშუშა და ძირითად შემადგენლობასთან ერთად ემზადება მომდევნო მატჩისთვის. მომდევნო მეტოქე კი „ჩელსია“, რომელსაც „ლივერპული“ 28 აგვისტოს „ენფილდზე“ დაუხვდება.
