ტოკიოს ოლიმპიურ თამაშებზე ჩვენებიდან ბოლოს თავისუფალი სტილით მოჭიდავე ელიზბარ ოდიკაძე (97) და კარატისტი გოგიტა არქანია (75) გამოვიდნენ, მაგრამ გამოსვლა ორივემ უმედლოდ დაასრულა.
რეპეშაჟის ნახევარფინალში ოდიკაძე აზერბაიჯანელ შარიფ შარიფოვს შეხვდა, 30 წამით ადრე იგებდა კიდეც – 5:4, მაგრამ ვერ შეინარჩუნა და 5:7 დათმო.
გოგიტა არქანია ჯგუფში იაპონელ რიუტარო არაგასთან 2:3 დამარცხდა, თურქ უგურ ატკაშთან 1:4 წააგო, გერმანელ ჯონათან ჰორნთან 3:4 აგებდა, მაგრამ მეტოქემ ხუთი წამით ადრე ტრავმა მიიღო და მასთან შედეგები ყველას გაუნულდა, ბოლოს კი, ყაზახ დანიარ იულდაშევთან 3:1 მოიგო, თუმც ეს ჯგუფიდან გასასვლელად საკმარისი არ აღმოჩნდა.
საქართველოს დელეგაციამ ტოკიოს ოლიმპიურ თამაშებზე რვა მედალი მოიპოვა, რაც დამოუკიდებელი საქართველოს ისტორიაში საუკეთესო მაჩვენებელია – ორი ოქრო, ხუთი ვერცხლი და ერთი ბრინჯაო.
