გენო ოქროს გზაზე

შეიძლება იყოს 1 ადამიანი და შენობაში-(ი)ს გამოსახულება ტოკიოს ოლიმპიურ თამაშებზე თავისუფალი სტილით მოჭიდავე გენო პეტრიაშვილი (125 კგ.) ფინალში გავიდა. ეს ნიშნავს, რომ საქართველოს დელეგაციას კიდევ ერთი გარანტირებული მედალი აქვს. ფინალი 6 აგვისტოს შედგება, ჩვენს დელეგაციას კი ოლიმპიადაზე მოგებული მედლების რეკორდული მაჩვენებელი ექნება – 8.

პეტრიაშვილი ნახევარფინალში ირანელ ამირ ჰუსეინ ზარეს დაეჭიდა. პირველი პერიოდი ჩვენიანმა 0:3 წააგო, მაგრამ მეორე პერიოდში მეტოქეს ექვსი ქულა აართვა.

მანამდე, პეტრიაშვილმა, პირველ წრეში ეგვიპტელი დიააელდინ აბდელმოტალები 11:0 დაამარცხა, ხოლო მეოთხედფინალში ჩინელ დენ ჟივეი – 5:2.

მეორე ქართველმა ფალავანმა ავთანდილ კენჭაძემ (74 კგ.) კი, პირველივე შეხვედრა წააგო. ის იტალიელ ფრანკ ჩამიზოსთან 1:5 დამარცხდა.

თუ ჩამიზო ფინალში გავიდოდა, კენჭაძეს რეპეშაჟში გაიყოლებდა და ბრინჯაოს შანსი ექნებოდა. თუმცა, ჩამიზო ნახევარფინალში დამარცხდა და ქართველი მოჭიდავე უმედლოდ დარჩა.

შეგახსენებთ, რომ საქართველომ ტოკიოში ჯერ-ჯერობით შვიდი მედალი მოიპოვა – ორი ოქროს, ოთხი ვერცხლისა და ერთიც ბრინჯაო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...