მსოფლიოს საუკეთესო ფეხბურთელი, 32 წლის პოლონელი რობერტ ლევანდოვსკი უეჭველად „ბაიერნში” დარჩება. ეს ბავარიელთა პრეზიდენტმა ჰერბერტ ჰაინერმა ჩინურ მას-მედიასთან საუბრისას თქვა.
„ლევანდოვსკიმ კონტრაქტის თანახმად „ბაიერნში” კიდევ ორი წელიწადი უნდა დაჰყოს, — თქვა ჰაინერმა, — ერთი ხნის წინ, ასეთსავე კითხვაზე ვუპასუხე, რომ მე მას ძალიან იოლად წარმოვიდგენ ჩვენს გუნდში კიდევ ორი სეზონის განმავლობაში. მოკლედ, ლევანდოვსკი, რომ შემდეგ ორ წელიწადსაც „ალიანც არენაზე” გაატარებს, ამაში ეჭვს ნურავინ შეიტანს”.
გარდა ამისა, კლუბის პრეზიდენტმა ილაპარაკა იმის შესახებაც, რომ კლუბს წარმატებული დიალოგი აქვს თანატოლებთან, 26 წლის მოთამაშეებთან ლეონ გორეცკასა და იოზუა კიმიხთან.
„ეს ფეხბურთელები ევრო 2020-ზე თამაშობდნენ, რის შემდეგაც შვებულებაში იყვნენ. ახლა, ისინი მიუნხენში დაბრუნდნენ და მოლაპარაკებები გაგრძელდება. იმედი მაქვს, რომ ერთ-ორ კვირაში საერთო ენას გამოვნახავთ და ხელშეკრულებას გავაფორმებთ”.
კიმიხს „რეკორდმაისტერთან” 2023 წლის 30 ივნისამდე აქვს კონტრაქტი, გორეცკას ხელშეკრულებას კი ერთი წლით ადრე გაუდის ვადა.
