25 ივლისს ტოკიოს ოლიმპიური თამაშებზე ქართველთაგან პირველი ტყვიის მსროლელი ნინო სალუქვაძე გავიდა. ლეგენდარული ქართველი სპორტსმენი, რომელიც ქალებისთვის სარეკორდო, მეცხრე ოლიმპიადაზე იმყოფება, ფინალურ ეტაპზე ვერ მოხვდა.
სალუქვაძემ საკვალიფიკაციო ეტაპზე 567 (93+92+99+95+95+93) ქულა დააგროვა, რაც საკმარისი არ გამოდგა საუკეთესო 8 სპორტსმენს შორის მოსახვედრად.
დღეს ტოკიოში ძალოსნებიც გამოჩდნენ. თუმცა, უმედლოდ დარჩნენ.
61 კილოგრამამდე წონით კატეგორიაში, შოთა მიშველიძემ ატაცში 130 კილოგრამი დააფიქსირა, მაგრამ ვერც 134 და ვერც 135 კილოგრამიან შტანგებს ვეღარ მოერია და მეხუთე შედეგი დააფიქსირა.
სამწუხაროდ, ქართველმა ძალოსანმა აკვრაში მხოლოდ 155 კილოგრამი აჩვენა და საბოლოოდ მეშვიდე ადგილზე გავიდა.
გოგა ჩხეიძემ 67 კილოგრამამდე წონით კატეგორიაში იასპარეზა და B ჯგუფის გამარჯვებული გახდა. გოგამ ატაცში მხოლოდ ერთი ცდა გამოიყენა – 133 კილოგრამი.
აკვრაში კი, ჩხეიძემ 164 და 169 კილოგრამები დასძლია, მაგრამ 173 კილოგრამი ვეღარ აკრა.
მართალია, ქართველმა ძალოსანმა B ჯგუფი მოიგო, მაგრამ ეს მედლისთვის საკმარისი არ აღმოჩნდა.
ქალთა შორის 52 კილოგრამამდე წონით კატეგორიაში ძიუდოისტი ტატიანა ლევიცკა-შუკვანი ტატამდე ორჯერ გავიდა. ჩვენებურმა ჰაიტელ საბანია ანსტორს კი სძლია, მაგრამ ტურნირის ფავორიტ ამანდინე ბუშართან ვერაფერს გახდა. ამასთან, ტრავმაც მიიღო და ტურნირს გამოეთიშა.
შეგახსენებთ, საქართველოს დელაგაციას ჯერჯერობით ერთი ვერცხლის მედალი აქვს, რომელიც ძიდოისტ ვაჟა მარგველაშვილის ანგარიშზეა…
