იქნებ გახსოვთ პეტრ კორდა, ჩოგბურთელი, რომელმაც 1998 წელს ავსტრალიის ღია პირველობა მოიგო. ჰოდა, სპორტული ოჯახი მყავსო, სწორედ ჩეხმა სპორტსმენმა უნდა დაიკვეხნოს.
კორდას ერთ-ერთი ქალიშვილი, ნელი, მართალია ჩოგანს არ იქნევს, რადგან უკეთესად გოლფის ყვანჯის ქნევა და მწვანე კორდზე თამაში გამოდის. ნელი ახლახანს ატლანტაში გოლფის ტურნირის, KPMG Women’s PGA Championship-ის გამარჯვებული გახდა, რის შემდეგ მსოფლიო რეიტინგს სათავეში ჩაუდგა.
იმასაც გეტყვით, რომ მეორე გოგო, ჯესიკაც გოლფის პროფესიონალი მოთამაშეა და გარკვეული წარმატებები მასაც აქვს, ხოლო ბიჭი, 20 წლის სებასტიანი ATP-რეიტინგში 50-ე ჩოგანია და ამ გაერთიანების პირველი ტიტული 2021 წელს მოიგო.
„მეიჯორის გამარჯვებული და მსოფლიოში პირველი. ეს წარმოუდგენელია“, – დაწერა ჯესიკამ საკუთარ სოციალურ ქსელში.
