ისეთი პირი უჩანს, „ასტონ ვილას“ შემტევი ნახევარმცველი ჯეკ გრილიში მალე „სიტის“ ფორმას მოირგებს.
მხარეებს პირობები შეთანხმებული აქვთ – 100 მილიონი გირვანქა, რაც ინგლისური პრემიერლიგის ყველა დროის რეკორდი იქნება.
დღეის მდგომარეობით უძვირესი პოლ პოგბაა, რომელშიც „მანჩესტერმა“ 89 მილიონი გირვანქა გაიღო.
გრილიში გუნდური მოთამაშე კია, მაგრამ არც პირადი სტატისტიკა აქვს ურიგო: 25 წლის ნახევარმცველმა 26 შეხვედრაში 6 გოლი გაიტანა და 12 საგოლე გადაცემაც შეასრულა.
