იაპონელი მოსახლეობა ტოკიოს ოლიმპური თამაშების გაუქმებას ითხოვს. ადვოკატმა და პოლიტიკოსმა კენძი უცუნომიამ ტოკიოს ოლიმპიური თამაშების გაუქმების მოთხოვნით, პეტიციამ განათავსა და ერთი კვირის განმავლობაში 350.000-ზე მეტი ხელმომწერა დააგროვა.
„იმ ვითარებააში, რომელშიც ვიმყოფებით, ნაკლებად სავარაუდოა, რომ ტოკიოს ოლიმპიური თამაშების უსაფრთხოდ ჩატარება შესაძლებელი იყოს. თამაშებისთვის მომზადებისა და ვარჯიშის მხრივ, სპორტსმენებს შორის დიდი განსხვავება იქნება. ამასთან, დაწესებული შეზღუდვები, დიდი ალბათობით, სპორტსმენებს დიდ სტრესში ჩააგდებს, რის გამოც ისინი თავიანთი საუკეთესო შედეგების ჩვენებას ვერ შეძლებენ“, – ნათქვამია პეტიციის ტექსტში.
ოლიმპიურ თამაშებს იაპონიის დედაქალაქმა 23 ივლისიდან 8 აგვისტოს ჩათვლით უნდა უმასპინძლოს.
ჯერჯერობით, ოლიმპიური ლიცენზია 7.800-ზე მეტ ათლეტს აქვს მოპოვებული, რაც ოლიმპიელთა საერთო რაოდენობის 70 პროცენტია. დარჩენილი ლიცენზიებიდან, 20 პროცენტი რეიტინგების გათვალისწინებით განაწილდება, 10 პროცენტი – შეჯიბრებით. ბოლო ვადა 29 ივნისია.
