ტრავმით გამოწვეული პაუზის შემდეგ გოგა ბითაძე სათამაშო მოედანზე საკრამენტოსთან მატჩში დაბრუნდა და მწვრთნელის ასისტენტთან კონფლიქტი თამაშის დროს მოუვიდა.
ერთ-ერთი ეპიზოდისას ფოსტერმა ქართველი კალათბურთელს შენიშვნა მისცა, გოგამ საპასუხო შეტევაში სამქულიანი ჩააგდო და მწვრთნელს შეურაცხმყოფელად მიმართა – sit the f*** down.
როგორც კი თამაში გაჩერდა, ფოსტერმა გოგასკენ გაიწია, მაგრამ ქართველ ცენტრს თანაგუნდელებმა განარიდეს.
რაც შეეხება საკრამენტოსთან მატჩს ინდიანამ 93:104 წააგო. ჩვენებურმა 20 წუთი დაჰყო პარკეტზე და ამ დროში ხუთი ქულა, ექვსი მოხსნა, ორი პასი და ორი დაფარება დააგროვა.
ინდიანა 30 მოგებითა და 35 მარცხით მეცხრე ადგილზე რჩება. მომდევნო მატჩს კი, შინ, ატლანტა ჰოუკსთან ჩაატარებს.
