შესანიშნავი შვიდეული კეინიდან შირერამდე

პრემიერლიგის 32-ე ტურის შეხვედრაში „ევერტონთან“ (2:2) „ტოტენჰემის“ ლიდერმა ჰარი კეინმა დუბლი შეასრულა.

ეს პრემიერლიგაში მისი 163-ე და 164-ე გოლები იყო. მან უკან მოიტოვა „ტოტენჰემის“ ყოფილი ფორვარდი ჯერმეინ დეფო (162), ასევე „ლივერპულისა“ და „სიტის“ ბომბარდირი რობი ფაულერი (163).

ყველა დროის ხუთეულში შესასვლელად ჰარის კიდევ 13 გოლი სჭირდება. მასზე წინ ტიერი ანრი (175) და ფრენკ ლემპარდი (177) არიან. რაც შეეხება ლიდერებს:

4.სერხიო აგუერო (181)

3. ენდი კოული (187)

2. უეინ რუნი (208)

1. საუკეთესოთა შორის საუკეთესო ლეგენდარული ალან შირერია, ვისაც პრემიერლიგურ კარიერაში 260 გოლი აქვს გატანილი.