მადრიდის „რეალის“ ფორვარდი ქარიმ ბენზემა კლუბთან კონტრაქტს გაახანგრძლივებს. ამის შესახებ ფეზბურთელის აგენტმა კარიმ ჯაზირიმ განაცხადა. თავად ბენზემას ფრანგულ „ლიონში“ დაბრუნება სურს, მაგრამ ეს გაცილებით შორეული პერსპექტივაა, ვიდრე მადრიდში დარჩენა.
მის კონტრაქტს „რეალთან“ მომავალი წლის ზაფხულში გასდის ვადა, მაგრამ მასში ჩადებულია ერთი წლით გახანგრძლივების პირობა. ბენზემა „რეალში“ 2009 წელს სწორედ „ლიონიდან“ გადავიდა 35 მილიონ ევროდ. ამ ხნის განმავლობაში მან ესპანეთში 19 ტიტული მოიგო და სამჯერ დასახელდა საფრანგეთის წლის საუკეთესო ფეხბურთელად.
33 წლის ფორვარდის სატრანსფერო ფასი 25 მილიონი ევროა. მიმდინარე სეზონში მან ლა ლიგაში 18 გოლი გაიტანა და 6 საგოლე გადაცემა შეასრულა. ამ მაჩვენებლით ის ლიგაში მეოთხეა მესის (23), მორენოს (19) და სუარესის (19) შემდეგ.
