სერხიო რამოსმა თქვა, ლეო მესი „ბარსელონას” ფეხბურთელი რომ არ ყოფილიყო, „რეალი” გაცილებით მეტ ტიტულს მოიგებდაო.
მადრიდელების კაპიტანმა მესის მსგავსად ოთხჯერ(!) მოიგო ჩემპიონთა ლიგა, მაგრამ ესპანეთის ჩემპიონი მხოლოდ ხუთჯერ გახდა, მაშინ როდესაც არგენტინელმა ათჯერ იზეიმა ლა ლიგის პირველობა.
„ამ წლების განმავლობაში პრობლემებს მესი გვიქმნიდა, — თქვა სევილიელმა მცველმა დოკუმენტურ ფილმში „სერხიო რამოსის ლეგენდა”, — ჩემი ვარაუდით, ის „ბარსელონას” ფეხბურთელი რომ არ ყოფილიყო, ჩვენ ესპანეთის ჩემპიონები მეტჯერ გავხდებოდით.
იყო პერიოდი, როდესაც ისტორიაში საუკეთესო „ბარსელონასთან” გვიწევდა ბრძოლა. სათავეში დიდი მწვრთნელი ჟოზე მოურინიუ გვყავდა, მაგრამ მათი დამარცხება ჭირდა.
იმ პერიოდში ბევრი ტიტული არ მოგვიგია და თან, ორ გუნდს შორის დიდი დაძაბულობა იყო. ამ დაძაბულობას ან ორივე მხარე იწვევდა ან ჩვენ”.
