საქართველო: რუსეთს თურქეთი მოჰყვება

Four countries to host EuroBasket 2021 — AGONAsport.com 2022 წელს თბილისში გასამართი ევროპის ჩემპიონატის საქართველოს საკალათბურთო ნაკრების მეორე მეტოქეც ცნობილია – თურქეთი.

მანამდე გადაწყვეტილი იყო, რომ რუსეთი საქართველოში ჩამოვიდოდა. ეს იმიტომ მოხდა, რომ მეორე კალათიდან იტალია და ჩეხეთი ასევე თანამასპინძლები არიან და მათი ჩვენთან ჩამოსვლა ავტომატურად გამორიცხული იყო. ლიეტუვას კი შესთავაზეს თბილისში თამაში, მაგრამ ბალტიისპირელებმა გერმანელული ვარიანტი ამჯობინეს.

საქართველომ კი, ლიეტუვას მერე თბილისში ჩამოსვლა თურქეთს შესთავაზა და ისინიც დათანხმდნენ. 2015 წლიდან მოყოლებული, ევროპის ჩემპიონატები 4-4 ქვეყანაში ტარდება და თითოეულ მასპინძელს ერთი ნაკრების არჩევის უფლება აქვს, რომელიც მის ჯგუფში ითამაშებს.

ჩვენი მეტოქეები პირველი, მეხუთე და მეექვსე კალათიდან 29 აპრილს გასამართი წილიყრისას გახდება ცნობილი.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...