საქართველოს ნაკრები ბოლო წუთამდე ქულას იღებდა ესპანეთთან, მაგრამ დანი ოლმოს შორეულმა გასროლამ სამი ქულა ესპანელებს მოუტანა.
პირველ ტაიმი ჩვენი იყო – მართალია, ესპანეთი ბურთს ფლობდა, მაგრამ გოლი ჩვენ გავიტანეთ და არცთუ დაუმსახურებლად. ოთარ კიტეიშვილის პასის შემდეგ ხვიჩა კვარაცხელიამ მსოფლიოს ერთ-ერთ გრანდს გაუტანა და შესვენებას უპირატესობით შევხვდით.
შესვენებაზე გასასვლელად ემზადებოდნენ, როდესაც ხვიჩა კვარაცხელიამ ოთარ კიტეიშვილის პასის შემდეგ ანგარიში გახსნა.
მეორე ტაიმში ესპანეთი მაგრად მოგვაწვა, მაგრამ სახიფათო მომენტები არ იქმნებოდა. ლუის ენრიკემ ცვლილებებს მიმართა და ბურთის ფლობა კიდევ უფრო გაიმყარა.
56-ე წუთზე ფერნან ტორესმა ანგარიში გაათანაბრა, ხოლო მატჩის მიწურულს ესპანეთმა მარწუხებს კიდევ უფრო მოუჭირა და მსაჯის მიერ კონპესირებულ დროში დანი ოლმომ გამარჯვების გოლი გაგვიტანა.
დასანანია ასეთი მატჩის წაგება. ორი ტურის შემდეგ საქართველოს ნაკრები უქულოდ ბოლო ადგილზეა, რასაც ესპანეთთან მატჩის შემხედვარე ნამდვილად არ იმსახურებს.
