„ლივერპულის“ მთავარი მწვრთნელის, იურგენ კლოპის აგენტმა, მარკ კოსიცკემ განაცხადა, რომ გერმანელი სპეციალისტი კონტრაქტის ამოწურვამდე მერსისაიდული კლუბის დატოვებს არ აპირებს.
„როდესაც კლოპი ამბობს, რომ „ლივერპულიდან“ კონტრაქტის ამოწურვამდე არ წავა, ის სიტყვას შეასრულებს. ამასთან, იურგენს გუნდში მუშაობა ჯერ არ დაუსრულებია და კიდევ სამი წელი დარჩა. მან პირდაპირ განაცხადა, რომ ამ საკითხზე სპეკულაცია გამორიცხულია. კლოპი ზუსტად შეასრულებს კონტრაქტის პირობებს“, – ამბობს კოსიცკე.
შეგახსენებთ, რომ კლოპი გერმანიის ნაკრების მთავარი მწვრთნელის პოსტზე მოიაზრება, რომელსაც იოაჰიმ ლიოვი წელს გასამართი ევროპის ჩემპიონატის მერე დატოვებს. ამ ხმებს თავად კლოპიც უარყოფს.
