8-21 თებერვალს მელბურნში ავსტრალიის ღია პირველობა გაიმართება. ჯერჯერობით, ყველაფერი გეგმის მიხედვით მიდის, გარდა იმისა, რომ სამი ჩოგბურთელი კარანტინში რჩება. ამ ჩოგბურთელების ვინაობა არ სახელდება.
ათასამდე ოფიციალურ პირს, ჩოგბურთელსა და მწვრთნელს კი 14-დღიანი კარანტინი მოეხსნათ, რომელიც ტურნირის წინ მელბურნსა და ადელაიდაში გაიარეს. სპორტსმენებმა უკვე დაიწყეს სრულფასოვანი ვარჯიში.
როგორც იცით, ადრე გავრცელდა ინფორმაცია, რომ ავსტრალიის ღია პირველობის მონაწილე ჩოგბურთელებიდან კორონავირუსით დაინფიცირდა 67-ე ჩოგანი ქალთა შორის ესპანელი პაულა ბადოსა, რომელიც ახლა იზოლაციაში იმყოფება.
