25 მარტს საქართველოს ნაკრები ახალ შესარჩევ ციკლს იწყებს.
იწყებს უხასიათოდ, რადგან სულ ახლახან ევროპის ჩემპიონატზე გასვლის უნიკალური შანსი გაუშვა ხელიდან, რომლის მსგავსიც, არ გვქონია და გულზე ხელი დავიდოთ – ალბათ, აღარასდროს გვექნება.
მაგრამ ეს მაინც გუშინდელი ამბავია და წინ უნდა ვიყუროთ, წინ კი 25 მარტი და სტოკჰოლმური მატჩია.
25 მარტამდე 62 დღეა.
62 დღე ბევრი რამისთვის არის სავსებით საკმარისი, მათ შორის გუნდის კონკრეტული თამაშისთვის მოსამზადებლად, ოღონდ ერთი „მძიმე“ პირობით – თუკი გუნდს მწვრთნელი ჰყავს.
საქართველოს ნაკრებს მწვრთნელი არ ჰყავს.
ვლადიმირ ვაისი 68 დღის წინ გადადგა.
68 დღე სავსებით საკმარისი დროა, ახალი მწვრთნელის მოსაძებნად, ცხადია, თუკი გულმოდგინედ ეძებ.
ახალ შესარჩევ ციკლამდე იმაზე ნაკლები დღეა დარჩენილი, ვიდრე მწვრთნელის ძებნაშია გასული.
მხოლოდ არითმეტიკა, არაფერი პირადული.
