პოლონელმა მეჩოგნე ჰუბერტ ჰურკაჩმა, ვინაც სადღეისოდ მსოფლიო რეიტინგის 35-ე ნომერია, ამერიკული დელრეი-ბიჩის ტურნირი მოიგო.
მიუხედავად იმისა, რომ ტურნირი ATP-250 კატეგორიისა იყო, ეგებ არც გაგვიმახვილებინა ყურადღება, რომ არა რამდენიმე ფაქტორი:
– ჰუბერტი პირველი პოლონელია, ვინაც დელრეი-ბიჩში იმარჯვა.
– მან მთელი ტურნირი ისე განვლო, სეტიც არ წაუგია.
– ტურნირის ბადეში გამარჯვებულს არც ერთი მეტოქე არ გადაყრია მსოფლიო რეიტინგის ასეულიდან, რაც თავისთავად უნიკალური შემთხვევაა.
– ფინალში მისი მეტოქე სებასტიან კორდუ მხოლოდ 119-ე ჩოგანია.
შედარებისთვის გეტყვით, რომ ანთალიის ასევე ATP 250-იან ტურნირზე მეოთხედფინალში მხოლოდ რეიტინგის პირველი ასეულის წევრები გავიდნენ. სწორედ ამ ეტაპიდან დაემშვიდობა ანთალიას ჩვენი ნიკოლოზ ბასილაშვილი. ნიკა, წასულიყავი ამერიკაში…
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
კატეგორიის გარეშე21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?