ატლეტიკომ და დიეგო კოშტამ შეთანხმებას მიაღწიეს და კონტრაქტი ნაადრევად გაწყვიტეს. ხელშეკრულებას ვადა 2021 წლის 30 ივნისს გასდიოდა, მაგრამ ფეხბურთელმა პირადი პრობლემები მოიმიზეზა და გაცლა არჩია.
ბრაზილიელ-ესპანელი ფორვარდი ატლეტიკოში პირველად 2010-14 წლებში თამაშობდა. შემდეგ სამი სეზონი ჩელსიში გაატარა. 2018-ში ისევ დაბრუნდა. ჯამში მადრიდულ კლუბში 215 ოფიციალური მატჩი გამართა, 83 ბურთი გაიტანა და 36 საგოლე პასით გამოირჩა. მოიგო ესპანეთის ჩემპიონობა (2014), თასი (2013), ევროპა ლიგა (2018) და სამჯერ (2010, 2012, 2018) უეფას სუპერთასი.
