ფიფამ ოფიციალურად განაცხადა, რომ 2021 წლისთვის დაგეგმილი 17 და 20-წლამდელთა მსოფლიოს ჩემპიონატების ფინალური ეტაპები აღარ გაიმართება. 17 – წლამდელებისთვის პერუს უნდა ემასპინძლა, 20 – წლამდელებს კი ინდონეზიაში ელოდნენ. მიზეზი, ბუნებრივია, კორონავირუსის პანდემიაა. იგივე ქვეყნები ფინალურ ეტაპებს 2023 წელს უმასპინძლებენ. ამავე ასაკობრივ კატეგორიებში ბოლოს მსოფლიოს ჩემპიონატები 2019 წელს ჩატარდა. 20-წლამდელებში მოქმედი ჩემპიონის ტიტულს უკრაინა ატარებს. იმავე წელს 17-წლამდელებში მეოთხედ იჩემპიონა ბრაზილიამ.
