საფრანგეთის პირველობის მესამე ტურში პსჟ „მარსელთან“ 0:1 დამარცხდა. შეხვედრაში ერთ-ერთი ეპიზოდი ჩხუბით გაგრძელდა და ხუთი გაძევებით დასრულდა. მარსელელებმა ბრალი დასდეს ნეიმარს, მატჩის მსვლელობისას ჩვენს იაპონელ ლეგიონერ ჰიროკი საკაის სულ „ჩასვრილ ჩინელს“ ეძახდაო.
„მარსელის“ ხელმძღვანელობამ ვიდეომტკიცებულებაც წარადგინა და სპეციალისტიც იქირავა, რომელიც ტუჩების მოძრაობით კითხულობს ვინ რას ამბობს.
შედეგად, ნეიმარმა სამმატჩიანი დისკვალიფიკაცია მიიღო. არადა, ბრაზილიელი იქით სდებდა რასისტულ გამონათქვამებში ბრალს მეტოქის მცველ ალვარო გონსალესს.
