წლის დასაწყისში ვინმეს რომ ეთქვა, ბელარუსი ვიქტორია აზარენკა სერიოზულ წარმატებას მიაღწევსო, თავადაც არ დაიჯერებდა.დეკრეტიდან 2017 წელს დაბრუნებული ჩოგბურთელი დიდი შედეგებით ვერ დაიკვეხნიდა და თავადაც არაერთხელ დაფიქრდა კარიერის დასრულებაზე, მაგრამ:
„წასვლა მინდოდა, თუმცა ვგრძნობდი, რომ სპორტისთვის მაქსიმუმი არ გამეღო. წასვლა კი მაშინ შეიძლება, როცა ხვდები, რომ ბოლომდე დაიხარჯე“ – ამბობს ვიქტორია.
ცინცინატიში აზარენკამ ჯერ 2016 წლის შემდეგ ყველაზე სოლიდური ტურნირი მოიგო, ახლა კი US OPEN-ის ნახავარფინალში თვით სერენა უილიამსი გაიარა – 1:6, 6:3, 6:3.
აზარენკა 2013 წლის შემდეგ არ ყოფილა „დიდი მუზარადის“ ტურნირის ფინალში და კარიერის მიწურულს ზედიზედ მოგებული 11 მატჩით ელიტას დაუბრუნდა.
არასოდესაა გვიანი.
მთავარია, საკუთარი თავის გწამდეს და გიყვარდეს ის საქმე, რომელსაც აკეთებ.
