საქართველოს ნაკრების ვეტერანმა დავით კაჭარავამ კარიერა დაასრულა, რის შესახებაც სოციალურ ქსელში წერილი გამოაქვეყნა
გამარჯობა! დადგა დღე რომელიც ჩემთვის ძალიან ემოციურია! დღე როდესაც ჩემი რაგბის კარიერა დასრულდა! როგორც სანაკრებო ასევე საკლუბო. მინდა მადლობა ვუთხრა ჩემს გულშემატკივრებს რომლებიც მუდმივად გვერდში მედგნენ, როგორც წარმატებულ ასევე ყველაზე მძიმე პერიოდშიც. მადლობა ჩემს ოჯახის წევრებს, მეგობრებს ხელშეწყობისთვის!
მადლობა რაგბის ფედერაციის ყველა თანამშრომელს ვინც წლების მანძილზე თავისი შრომით, ერთი აგურის დადებით მაინც შეიტანა წვლილი რაგბის განვითარებაში.
მადლობა კლუბ ყოჩებს, მის პრეზიდენტს გუგა გეგენავას, მადლობა მწვრთნელებს!
განსაკუთრებული მადლობა ნუგზარ მალაღურაძეს, მისი მწვრთნელობის პერიოდში მოხდა ჩემი ძირითადი ფასეულობების ჩამოყალიბება.
მადლობა რაგბს, მადლობა საქართველოს, იმისთვის რომ მენდო, იმისთვის რომ მომცა შანსი მისი წარმატებისთვის მებრძოლა. რაგბმა ბევრად მეტი მომცა ვიდრე მე დავუბრუნე! მე ყოველთვის მორაგბედ და მორაგბეების გულშემატკივრად დავრჩები…. თქვენს გვერდში ვიქნები ბიჭებო რითიც და როგორც შემეძლება….
წარმატებას ვუსურვებ ქართულ რაგბს!
რაგბი ჩვენი თამაშია!
მადლობა!
დავით კაჭარავა მსოფლიო 4 თასის მონაწილეა, ხოლო ნაკრებში მან ქართველთა შორის ყველაზე მეტი – 122 მატჩი ჩაატარა, ხოლო გატანილი ლელოებით მხოლოდ მამუკა გორგოძეს ჩამორჩება – 25 – 27-ის წილ.
