„მანჩესტერ სიტის“ მტავარი მწვრთნელი პეპ გვარდიოლა კლუბთან ხელშეკრულებას კიდევ გააგრძელებს. გავრცელებული ცნობით, ორივე მხარე თანახმაა თანამშრომლობა 2022 წლამდე გაგრძელდეს.
49 წლის სპეციალისტი „სიტიში“ 2016 წელს მივიდა, მანამდე კი, „ბარსელონასა“ და მიუნხენის „ბაიერნს“ წვრთნიდა.
„ქალაქელებთან“ ერთად გვარდიოლა ორჯერ გახდა ინგლისის პრემიერლიგის გამარჯვებული, ასევე ორჯერ მოიგო სუპერთასი, ხოლო ერთხელ – თასი. მიმდინარე კონტრაქტი 2021 წლამდეა გათვლილი.
გასული სეზონი კი „სიტის“ არ გამოუვიდა: გუნდმა პრემიერლიგაში მეორე ადგილი დაიკავა და „ლივერპულს“ სოლიდურად ჩამორჩა, ხოლო ჩემპიონთა ლიგაზე გამოსვლა მეოთხეფინალში დაასრულა.
