ჯო მამალი

„ტოტენჰემ ჰოთსფურმა“ თავის ოფიციალურ ვებ-გვერდზე ინგლისის ნაკრების ყოფილი მეკარის, ჯო ჰარტის დამატების შესახებ დაწერა.
34 წლის ჰარტმა „მამლებთან“ კონტრაქტი 2022 წლის ზაფხულამდე გააფორმა. ჩრდილოლონდონელებმა ის მუქთად მიიღეს, რადგან თავისუფალი აგენტი იყო.
ჰარტის ბოლო კლუბი „ბარნლი“ გახლდათ, რომელშიც 2018 წლიდან თამაშობდა. მაგრამ უფრო ცნობილი ის „მანჩესტერ სიტიში“ თამაშითაა. 2006-18 წლებში ქალაქელებთან ერთად მან ექვსი ჯილდო, მათ შორის ორჯერ პრემიერლიგის ჩემპიონობა მოიპოვა. იჯარის წესით უთამაშია „ტრანმირ როვერსში“, „ბლექპულში“, „ბირმინგემ სიტიში“, „ტორინოსა“ და „ვესტ ჰემში“.
ინგლისის ნაკრებში 2008-17 წლებში იძახებდნენ.