ქალბატონ მანანა დეისაძის თქმით, სასურველი იქნებოდა მათი აზრიც ეკითხათ მასშტაბური მშენებლობების დაწყების წინ. ყველა ლოკაციას აქვს თავისი ბიოველი და კეთილი თუ ბოროტი აურა, მიცვალებულთა სულების შეწუხება კი ნებისმიერ შემთხვევაში არასასურველია.
ალტერნატიული მედიცინის ცენტრის და აკადემიის დამფუძნებელმა, ბიოენერგოთერაპევტთა საერთაშორისო კონგრესის წევრმა ნანული ლალიაშვილმა კი უფრო საფუძვლიანად ეს გვითხრა:
– სასაფლაოს აურის შესახებ უამრავი ნეგატიური ინფორმაცია, მითი და ლეგენდა არსებობს. ჩვენი წინაპრები სასაფლაოებს დაუსახლებელ ადგილებში აშენებდნენ, სასაფლაოებთან ხშირად ახლოს გზაც კი არ გადიოდა, ამას თავისი ახსნა ჰქონდა. სასაფლაოს აურა მძიმედ მოქმედებს ადამიანებზე, რის გამოც სასაფლაოებთან ახლოს არ ცხოვრობდნენ და არც დიდ დროს ატარებდნენ იქ.
გარდა უარყოფით აურისა, საყოველთაოდ ცნობილია, რომ სასაფლაოდან ვრცელდება გვამური შხამები, რომელიც ნეგატიურ გავლენას ახდენს გარემოზე, ცოცხალ ორგანიზმებზე. სასაფლაოსთან მნიშვნელოვანი და სტრატეგიული ობიექტის აშენება, გამართლებული არ არის.
სასაფლაოსთან აშენებულ ნაგებობას თვიდანვე დაჰყვება უარყოფითი ენერგეტიკა, ის ვერ იქნება დაკავშირებული წარმატებასთან. დადებით ემოციასთან, გამარჯვებასთან.
თუ შენობა-ნაგებობა ფუნქციურად არ არის დაკავშირებული სარიტუალო მომსახურებასთან, სასურველია, მისი აშენება მოხდეს სასაფლაოდან 7 ან 13 კილომეტრის დაშორებით.
არის კიდევ ერთი გასათვალისწინებელი და მნიშვნელოვანი ფაქტორი – მიწა არის ცოცხალი ორგანიზმი, მას ძლიერი აურა აქვს და ინახავს ინფორმაციას. სასაფლაოს მიწა შავ ენერგიას ატარებს, მასში გარდაცვლილთა ენერგეტიკული კოდებია ჩადებული. შესაბამისად, სასაფლაოს სიახლოვეს კულტურული, სპორტული, გამაჯანსაღებელი, საცხოვრებელი კომპლექსების მშენებლობა არ არის სასურველი და რეკომენდირებული…
