მას შემდეგ რაც „მანჩესტერ იუნაიტედს“ „დორტმუნდიდან“ ჯეიდონ სანჩოს გადაბირების შანსები მინიმუმამდე შეუმცირდა, ალტერნატიული გზის ძებნას შეუდგა, რამაც ისევ ბარსელონამდე მიიყვანა.
ევროპული საინფორმაციო საშუალებების ცნობით, „წითელი ეშმაკები“ ისევ განიხილავენ უსმან დემბელეს ვარიანტს. არის საუბარი იმაზეც, რომ ბრიტანული მხარე არაოფიციალურად უკვე შეუთანხმდა „ბარსელონას“, რომ დემბელე იჯარით აიყვანოს, გამოსყიდვის პერსპექტივით. თუმც, ჯერჯერობით, კლუბის წარმომადგენლებს თავად 23 წლის ფეხბურთელთან არ უსაუბრიათ.
„ბარსელონას“ დემბელეს გაყიდვა სურს და 56 მილიონ ევროდ აფასებს.
ფრანგი „ბარსელონაში“ 2017 წელს „დორტმუნდიდან“ აღმოჩნდა. გასულ სეზონში სულ 5-ჯერ გამოჩნდა მოედანზე და მხოლოდ ერთხელ გაიტანა.
