ევროპული ფეხბურთის მმართველმა ორგანომ ინგლისური „მანჩესტერ სიტი“ ევროთასებიდან ორი წლით მოკვეთა. მიზეზი ფინანსური მაქინაციები იყო. „ქალაქელებმა“ აპელაცია სპორტულ არბიტრაჟში შეიტანეს და სასამართლო ორშაბათს, 13 ივლისს უნდა გაიმართოს, თუმცა უკვე გაჟონა ინფორმაციამ – „სიტი“ გამართლდება.
ამის იმედი აქვს მანჩესტერელთა მთავარ მწვრთნელ პეპ გვარდიოლასაც, რომელმაც „ბრაიტონთან“ სტუმრად 5:0 მოგებული მატჩის შემდეგ:
„ჩვენ შევასრულეთ ამოცანა – მათემატიკურად მოვიპოვეთ მომავალ სეზონში ჩემპიონთა ლიგაში თამაში. ეს არის „სიტის“ მინიმალური მოთხოვნა და ფეხბურთელები ბოლო შვიდი წლის განმავლობაში ამ ამოცანას თავს მშვენივრად ართმევდნენ. ჩვენ ვიმსახურებთ ჩემპიონთა ლიგაში თამაშს, რადგან ეს დავამტკიცეთ მოედანზე. იმედის მაქვს, ორშაბათს უეფა ტურნირში მონაწილეობის უფლებას დაგვრთავს. გუნდი და ფეხბურთელები ამას იმსახურებენ“, – ამბობს „მან.სიტის“ თავკაცი.
