ლივერპულის „ევერტონის“ მთავარ მწვრთნელ კარლო ანჩელოტის დიდი ოდენობით შემოსავლის დაფარვაში, ანუ გადასახადებისთვის თავის არიდებაში ედება ბრალი.საქმე ეხება მისი სამწვრთნელო საქმიანობის ესპანურ პერიოდს, როცა მადრიდის „რეალს“ ედგა სათავეში (2014-2015).
იქაური სამართალდამცავების მტკიცებით, ანჩელოტიმ დამალა საიმიჯო უფლებების გაყიდვით მიღებული შემოსავალი და ჯამში ხაზინის 1 მილიონი ევრო მართებს.
შეგახსენებთ, რომ ესპანური სამართალდამცავი სისტემა ამ მიმართულებით საკმაოდ მკაცრად მუშაობს და ავტორიტეტებს არას დაგიდევს. სხვებს რომ თავი დავინებოთ, ამ სისტემის „კლიენტთა“ შორის სხვადასხვა დროს მესი, რონალდუ და ნეიმარიც ფიგურირებდნენ.
