მადრიდის „რეალმა“ სტუმრად 2:1 მოუგო სან სებასტიანის „რეალ სოსიედადს“. დედაქალაქელთა პირველი გოლი სერხიო რამოსმა შეაგდო, რომელიც არამარტო მნიშვნელოვანი, არამედ ისტორიულიც აღმოჩნდა.
ბასკების კარში გატანილი გოლით, მადრიდელთა კაპიტანი ლა ლიგის ისტორიაში ყველაზე შედეგიანი მცველი გახდა. რამოსმა უკან ჩამოიტოვა „ბარსელონას“ ნიდერლანდელი მცველი რონალდ კუმანი.
სერხიო რამოსს ლა ლიგაში უკვე 68 გოლი აქვს გატანილი…
სან სებასტიანში მოგებით კი „რეალი“ „ბარსელონას“ ქულებით დაეწია და ურთიერთშეხვედრებში უკეთესი მაჩვენებლით გალიდერდა.
