საქართველოს ნაკრების უკანახაზელმა რევაზ გიგაურმა, „ნიცაში“ გატარებული 4 სეზონის შემდეგ მორაგბის კარიერა დაასრულა.
კლუბის ოფიციალური საიტის ცნობით, ის გუნდში ტექნიკური მენეჯერის თანამდებობაზე დარჩება და აკადემიაში, ასევე სკოლებთან იმუშავებს.
36 წლის ვეტერანს სხვადასხვა დროს „მონლუსონში“, „მასიში“, „ფიჟაკში“ უთამაშია. 2006-2015 წლებში გიგაურმა საქართველოს ნაკრების მაისურით 39 მატჩი ჩაატარა (2 ლელო). ის 2007 და 2011 წლების მსოფლიო თასის მონაწილეა.
