საქართველოს ნაკრებმა ევროპის ჩემპიონატის ჯგუფში მეორე შეხვედრა გამართა. საფრანგეთთან გამარჯვების (9:7) შემდეგ, რითაც გუნდმა პრაქტიკულად პლეი-ოფის საგზური გაინაღდა, ჩვენები ძალიან ძლიერ საბერძნეთის ნაკრებს დაუპირისპირდნენ. ბერძნებმა პირველი შეხვედრა იტალიასთან წააგეს და სათამაშოდ ძალიან მოტივირებულნი გამოვიდნენ.
სამწუხაროდ, მოწინააღმდეგემ ყველა ინტრიგა პირველსავე ტაიმში მოკლა და ცხრა ბურთით დაწინაურდა. შესვენების შემდეგ საქართველომ ბევრად უკეთესად ითამაშა და ლოკალური წარმატებაც იზეიმა, საქართველომ ტაიმი – 8:6 მოვიგო, საბოლოოდ კი 10:17 დავმარცხდა.
18 იანვარს, საქართველო იტალიას შეხვდება… იტალია კი არა მხოლოდ ჩვენებთან არის ფავორიტი, ევროპის ჩემპიონობის უპირველესი კანდიდატია…
