კატალონიელმა ჟურნალისტებმა შობის დღეებში რატომღაც ჩემპიონთა ლიგის გასული გათამაშება და „ლივერპულთან” „ბარსელონას” შოკისმომგვრელი მარცხი (0:4) გაიხსენეს. „ბლაუგრანას” მწვრთნელმა ერნესტო ვალვერდემ, საკლუბო საიტზე თავისი კარიერის ერთ-ერთ ყველაზე მძიმე დღეზე ასე ილაპარაკა:
„სანამ „ლივერპულს” შევხვდებოდით, ჩემპიონთა ლიგაში საუცხოოდ გამოვდიოდით. თამაშის დასაწყისში „ენფილდზეც” გვქონდა გოლის გატანის რამდენიმე შანსი, მაგრამ მოწინააღმდეგემ დაგვასწრო, რის შემდეგაც ფსიქოლოგიურად გავტყდით. ჩვენ დავიწყეთ ნერვიულობა. შეგვეშინდა, „რომასთან” წინა წელს მომხდარი ამბავი არ განმეორებულიყო. ჩვენი მხრიდან ეს იყო სისუსტის წამი, რომლის გამოც დავისაჯეთ. უნდა ავღნიშნოთ ისიც, რომ „ლივერპულთან” მარცხმა ესპანეთის თასის ფინალზეც (1:2 „ვალენსიასთან”) იმოქმედა. „ენფილდზე” რომ მოგვეგო, თასის ფინალში სხვანაირად ვითამაშებდით”.
