ქუჩის კამერებმა დააფიქსირეს როგორ აყენებდნენ „არსენალის” ფანები შეუარაცხყოფას პიერ-ემერიკ ობამეიანგს. ეს ამბავი „კრისტალ პალასთან” ფრედ (2:2) ნათამაშები მატჩის შემდეგ მოხდა; სწორედ იმ მატჩის შემდეგ, რომლის დროსაც გრანიტ ჯაკამ გულშემატკივარს აგინა.
ჯაკას ამბავი გახმაურდა, მაგრამ როგორც ირკვევა, შვეიცარიელი არ გახლდათ ერთადერთი „მეთოფე”, რომელმაც იმ დღეს ჩრდილო ლონდონელი ფანების რისხვა მოიმკა. პიერ-ემერიკ ობამეიანგი თავისი „ლამბორგინი ავენტადორით” საცობში მოხვედრილა, როდესაც მასთან „არსენალის” ცხელთავიანი ქომაგები მისულან. ერთი მათგანი თურმე ყვიროდა:
„წელიწადში 2000 გირვანქას ვიხდი ამ მძ..რს რომ ვუყურო. F… off”.
მეორეს დაუმატებია: „ეს ხალხი აბონემენტში 1800 გირვანქას იხდის. ისინი თქვენ მხარში გიდგანან”.
ობამეიანგის მიმართ ასეთი აგრესია ცოტა არ იყოს გასაკვირია, რადგან ჯაკასგან განსხვავებით ის გასულ სეზონშიც კარგად თამაშობდა და ახლაც კარგ ფორმაშია. ამიტომაც დაიცვა 30 წლის გაბონელი ბევრმა სოციალურ ქსელში.
„ნუ გადაგავქთ თქვენი ბრაზი იმ ფეხბურთელზე, რომელმაც რთულ მომენტებში პასუხისმგებლობა იტვირთა და თამაშები მოიგო. თუ ვინმეს დადანაშაულება გინდათ, ემერი დაადანაშაულეთ” — დაწერა ერთმა.
„ვიდეო რომ ვნახე, გულწრფელად შემრცხვა. ობამეიანგი ადგილიდან გარიდებას ცდილობდა, ფანები კი შეურაცხყოფას აყენებდნენ”, — თქვა მეორემ.
„ყველაზე მატად ჩვენი გუნდი მასზეა დამოკიდებული. ობამეიანგი რომ არა, ვინ იცის სად ვიქნებოდით. ბოდიში”, — იუხერხულა მესამემ.
