კანფეტი გინდა?

დევიდ მოიესი, შესაძლოა, პრემიერლიგას და ყოფილ კლუბს დაბრუნდეს.

შოტლანდიელი სპეციალისტის დასაქმებას „ევერტონი“ აპირებს. მიუხედავად იმისა, რომ სეზონის წინ, „კანფეტების“ ხელმძღვანელობამ ტრანსფერებში 100 მილიონი ევრო დახარჯა, ლივერპულური კლუბი 8 ტურის შემდეგ, პრემიერლიგის გასავარდნ ზონაში იმყოფება. ამ ყველაფერში კლუბის ხელმძღვანელობა მარკო სილვას ადანაშაულებს და პორტუგალიელს ბოლო შანსს აძლევს – თუ „ევერტონი“ 19 ოქტომბერს „ვესტ ჰემთან“ წააგებს, მხარეთა თანამშრომლობა დასრულდება.

ყოფილ კლუბში დაბრუნება თავად მოიესსაც სურს. „მანჩესტერის“, „სოსიედადის“, „სანდერლენდის“ და „ვესტ ჰემის“ ყოფილმა მწვრთნელმა მერსისაიდში 11 წელი გაატარა.