გახსოვთ გენიალური ჯორჯ ვეა? „მონაკოში“, „მილანში“ და პსჟ-ში ბურთაობით დაგვამახსოვრა თავი, უამრავი პერსონალური პრიზი მოიგო და მათ შორის უმთავრესი: 1995 წელს ვეა პირველი არაევროპელი შეიქნა, ვინაც „ოქროს ბურთის“ ირგუნა.
ფეხბურთელის კარიერის დასრულების შემდეგ ვეამ პოლიტიკოსობა გადაწყვიტა და მშობლიურ ლიბერიაში ერთერთ გავლენიან ფიგურადაც იქცა. უახლოესვე არჩევნებზე ლიბერიელებმა ვეა პრეზიდენტად აირჩიეს.
ჯანდაცვის და განათლების სისტემების გაუმჯობესება და კორუფციის დამარცხება მისი მთავარი დაპირება იყო. საერთაშორისო თანამეგობრობაც გვერდში დაუდგა და ყოველ ლიბერიელზე წლიურად 360 დოლარი დოტაცია გამოიყო. მაინც არაფერი გამოვიდა.
ერთ დროს საყვარელი ფეხბურთელი საძულველ პოლიტიკოსად იქცა. დღეს ლიბერია საყოველთაო პროტესტის რეჟიმში ცხოვრობს:
„გადადგეს ჯორჯ ვეა!“
