იტალიას და ზოგადად საფეხბურთო სამყაროს მთავარი ულტრასი აღარ ჰყავს. რომის „ლაციოს“ თავგადაკლული ფანი და ლიდერი ფაბრიციო პისკიტელი, რომელიც ბუნებრივია სკუადრა აძურას ქომაგიც გახლდათ, რომში, თავში ერთი გასროლით მოკლეს.
მკვლელობა იტალიის დედაქალაქის ერთ-ერთ პარკში მაშინ მოხდა, როდესაც პისკიტელი იქ კლიენტს უნდა შეხვედროდა. დაიბენით? ახლავე აგიხსნით. როგორც ირკვევა, პისკიტელი მხოლოდ „ლაციოს“ და იტალიური ფეხბურთის წარმატებებით არ ცოცხლობდა და შავ-ბნელ საქმეებშიც იყო გარეული. ნუ იტყვით და, ის თურმე ნარკოტიკების გასაღებითაც იყო დაკავებული. მკვლელობის მოტივადაც სწორედ ეს სახელდება და იტალიელი სამართალდამცველებიც ამ ვერსიაზე მუშაობენ.
როგორც თავში ავღნიშნეთ, ფაბრიციო პისკიტელის ქილერმა ერთი ტყვია ესროლა, რომელიც მას მარჯვენა ყურთან მოხვდა. თვითმხილველების თქმით, მათ დაინახეს თუ როგორ გარბოდა თავქუდმოგლეჯილი ერთი პიროვნება სახეზე ნიღბით.
3 წლის წინ, ფაბრიციო პისკიტელის 2 მილიონი ევრო აღმოუჩინეს და გაჩნდა ეჭვი, რომ ეს კოლოსალური თანხა მან ნარკოტიკებით ვაჭრობით იშოვნა, თუმცა მაშინ იტალიელი ულტრასი სამყრობილეს გადაურჩა. 36 თვის შემდეგ კი თავში ტყვიას ვეღარ…
