იურგენ კლოპის ჰოლანდიური კედელი

„ლივერპულის“ ჰოლანდიური „კოლონია“ კიდევ ერთი ფეხბურთელით შეივსო. იურგენ კლოპმა „ზვოლედან“ უნიჭიერესი 17 წლის მცველი სეპ ვან დერ ბერგი გამოიწერა.

ტრანსფერის თანხა 2 მილიონ ევროზე ნაკლებია. სამაგიეროდ, კლოპის ხელში და მსოფლიოს საუკეთესო მცველად აღიარებული თანამემამულის, ვირჯინ ვან დეიკის მხარდამხარ ეს ყმაწვილი ხვალ-ზეგ უმაღლეს მწვერვალებს შეუტევს.

ვან დერ ბერგზე პრეტენზიას რამდენიმე ევროპული გრანდი აცხადებდა და გადაწყვეტილების მიღებისას უმთავრესი, თურმე, სწორედ ვირჯილ ვან დეიკის ფაქტორი აღმოჩნდა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.