ფელიპე კოუტინიომ სამეგობროში და მერე სამეგობრომ პრესაში თქვეს, რომ ამ ზაფხულს “ბარსადან” წასვლა უნდა. გაშვებაზე არც კლუბია უარს, თუ შეთავაზება 100 მილიონ ევროზე ნაკლები არ იქნება. შეძენის მსურველი სამია – პსჟ, “ჩელსი” და “მანჩესტერი”. ფელიპეს გული მას შემდეგ აუცრუვდა, რაც “კამპ ნოუმ” ჩემპიონთა ლიგის მეოთხედფინალში “მანჩესტერთან” მატჩისას (3:0) უსტვინა. “ბარსას” მოგება ისიცაა, რომ წელს გაყიდვის შემთხვევაში “ლივერპულს” 40-ს ნაცვლად მხოლოდ 15 მილიონს გადაუხდის – სწორედ ამდენი იყო ბონუსად დათქმული შარშან იანვარში მისი ტრანსფერისას.
