იაპონელებს მიწისძვრა რომ არ ხდება, ის უფრო უკვირთ, მაგრამ 5.1 მაგნიტუდის რყევა ნამეტანია.
მიწისძვრის ეპიცენტრი ტიბას პრეფექტურაში იყო. ზუსტად ამ დროს მიმდინარეობდა ფიგურული სრიალის შოუ Fantasi On Ise, რომელშიც მხოლოდ ოლიმპიური და მსოფლიო ჩემპიონები მონაწილეობენ.
ბიძგები რუსი ორგზის ოლიმპიური ჩემპიონის, ევგენი პლუშჩენკოს გამოსვლისას მოხდა. ბუნებრივია, გამოსვლაც შეწყდა და შოუც შეჩერდა. მცირე პაუზის შემდეგ სანახაობა განახლდა, თუმცა გადატანილი სტრესის შემდეგ ვეღარც ჩემპიონებმა ისრიალეს საკადრისად და აღარც მაყურებლებს ეტყობოდა დიდი აზარტი.
იაპონელმა ჟურნალისტებმა უკვე იხუმრეს, რუსების ცეკვას მიწისძვრა მოჰყვაო, მაგრამ მთავარი ის არის, რომ ბიძგებს ცუნამი, ნგრევა და მსხვერპლი არ მოჰყოლია.
