კაცი არ ჩანს ლევან გორგაძის გამჩერებელი. ჩვენმა გოლიათმა რიგითი მაეგაშირები ხომ უპრობლემოდ გადადგა დოჰიოს გარეთ, ახლა ელიტას დაერია. მისი მეექვსე მეტოქე გამოცდილი სეკივაკე იტონოძიო იყო.
მეტოქემ იყოჩაღა და მარცხენა ჩავლების აღება დაასწრო ლევანს, მაგრამ ძეგველი გოლიათი ისეთ ჯანზეა, ამით ვერ შეაშინებ. ლევანმა ჯერ ჩავლება ძალისმიერად ჩაახსნევინა, მერე ბრძოლა მარჯვენა დგომში გადაიყვანა და 227 კილოგრამიანი იტონოძიო (ყველაზე მძიმე სეკიტორი) დოჰიოს მიღმა განდევნა.
ლევანს გარდა დაუმარცხებელი კვლავაც იოკოძუნა კაკურიუა. ბაშოზე შემორჩენილმა ორმა ოძეკიმ უკვე სამ-სამი წაგება მოასწრო. ხვალ ლევანი იოკოძუნების შემდეგ მისთვის ყველაზე უხერხულ მეტოქეს ხვდება – აქამდე ტოჩი და კოტოსიოგიკუ სულ 33-ჯერ შეხვდნენ ერთმანეთს. ჩვენებურმა მხოლოდ 9-ჯერ მოიგო და იმედია, შაბათს გააათებს.
ძურიოს დივიზიონში მორიგი გამარჯვება მიიპოვა გაგამარუდ წოდებულმა თეიმურაზ ჯუღელმა და ახლა მისი ბალანსი 4:2 გახლავთ.
