9 მარტს „სიტიმ“ რაჰიმ სტერლინგის ჰეთ-თრიქით „უოტფორდს“ მოუგო, თუმცა განმეორებაზე აშკარად ჩანდა, რომ პირველი გოლი თამაშგარედან გაიტანა. თანამსაჯმა ალამიც კი ააფრიალა, მაგრამ მთავარმა მსაჯმა გოლი ჩათვალა.
ნამატჩევს გვარდიოლამ ბოდიში მოიხადა: „ბოდიშს ვიხდი, თუ თამაშგარე იყო. ჩვენ მომხრე ვიყავით, პრემიერლიგაში წელსვე შემოგვეღო VAR სისტემა, მაგრამ სხვა კლუბებმა დაბლოკეს“.
გავიდა ერთი კვირა და „სიტი“ სათასო მატჩში „სუონსის“ შეხვდა. ტაიმი გვარდიოლას გუნდმა 0:2 დათმო, მაგრამ მაინც 3:2 მოიგო. მესამე გოლი ბერნარდო სილვას პასით აგუერომ 88-ე წუთზე აშკარა თამაშგარედან გაიტანა და გვარდიოლამ ისევ მოიბოდიშა: „მე არ მიყვარს ასე მოგება. ბოდიშს გიხდით“.
და აგერ, წინა უქმეებზე: „სიტიმ“ მოუგო „კრისტალ პალასს“, მაგრამ ბოლო გოლი გაბრიელ ჟეზუსმა კევინ დე ბრუინის პასით თამაშგარედან გაიტანა.
მეტისმეტი ხომ არ არის ერთ თვეში სამი ნაჩუქარი გოლი? ან ამით „ლივერპულს“ რა შეღავათი?!
